ياسمين عز توجه رسالة غامضة.. ومتابعون قصدها رضوي الشربيني

وجهت الإعلامية ياسمين عز، هجوما عنيفا على شخصية مجهولة لم تذكر اسمها.
وربط رواد السوشيال ميديا بين هجوم ياسمين وحديث الإعلامية رضوي الشربيني عليها مؤخرا، والتي تحدثت فيه عن الكرامة.
وكتبت ياسمين عز، عبر حسابها الشخصي بموقع التواصل الاجتماعي فيس بوك قائلة : ويحك يا دعسوقة.. كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة.
نرشح لك - رضوى الشربيني ترد على نسب تصريحات ياسمين عز لها: كلام العبيد ده مش بتاعي
وأضافت ياسمين عز: "مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المرأة الأربعين برة بيت الزوج من غير إذنه سلينا كده في الإجازة لأنك شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، بس الأمانة استرجال ليڤل الوحش، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده فى الحياة العادية وبقوله في العلن".
وتابعت: "إنما بقى لما يكون في خرابة بيوت بتبوس الجزم في السر وتعمل فيلم مظلوم، وتطلع فالعلن تحكيلنا مأساة المرأة الإغريقية، كده إنتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء".
واختتمت ياسمين عز حديثها قائلة: "بلاش نشغل أسطوانة المرأة الحديدية، علشان المرأة نفسها لو عرفت إنتي إيه هيجيلها صدمة دماغية حضارية، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وهو بالمرة نحكي الحكايات، ونسلي الناس في الإجازات".